ТЕТЯНЬ КУДО

Те кудонтень малав пинге —

Таштомсь, вишкалгадсь ды чиремсь.

Сынсь енонзо кандыть пильгень,

Эскелян мои, анок чиемс.

Мекс эйсэнь тей пильгтне кандыть?

Мекс тей ким-яном кеверить?

Тезэнь, тетяй, лембе кадыть,

Седей лембе, зярдо эрить.

Тесэ, тонь кедьсэ озавтозь,

Сыре калесь кудонть вансты.

Увны — седей соракавты —

Теке ломань эйсэнь васты.

Зярдо эрямосонть стака,

Зярдо седейс эци кельмесь,

Сан тетянь эрямо таркас —

Кудо кенкшенть панжса келес.

Сован — карми сеске шожда,

Теке вийть оймезэнь каясть.

Истя аштетяно чокшнес —

Мон, кудось ды сыре калесь.

Тетянь седеенть манейсэ

Эрьвась эрямос кепететсь.

Аштетяно, минек эйсэ

Тетям кунсолы — нилецесь.