|
|
Эрюш Вежай. Эрзянь тейтерь
Эрзянь тейтерь
Эрямось моли, теке чуди лейне,
Пиземеть валыть, палыть маней чить,
Сельмень икелем тон тундонь
килейнекс
Мастор лангонтень казят мазычить.
Тон - эрзянь
тейтерь, тетерьксчинь иеват,
Велева ютат - каят сиянь жойть,
Панарот-руцят стазь-викшнезь котова,
Эрзянь оршамосот тон ванстат
эрзянь койть.
Пулайнеть кутмори чова карксамот,
Пря
пангот сэрей менельга кандат...
Кинень алтат кирви вечкемань
самонть?
Кинень учонь уцяскакс тееват?
Тон эрзянь
тейтерь, луга-паксянь цеця,
Мазычинь пусмо, маней-валдо мель!
Седеем токны, кода тонь мон нетян
Истя виевстэ! Ва а сезевель!
Эрюш Вежай. 2010 ие, эйзюрков, 6 чи.
|
| Категория: Стихи | Добавил: tati (06.03.2010)
|
| Просмотров: 1719
| Рейтинг: 5.0/2 |
|
|
|
