Зярдояк тон эзить ульне бойсэ,

Войнань кива ялатеке ютыть.

Ниле иеть тон эйкакшонь койсэ

Весе виеть Изнямонтень путыть.

Келей паксят сокить букинесэ.

Чокшнень зоряс локшот леднесь цярсо.

Тон Изнямонть ускить локшот песэ

Сехте нулгодькс, кежей ятнэнь каршо.

Ульнить виев алякс войнань кисэнть.

Тетянь, лелянь стака тевтнень кандыть.

Пакшань кедьсэ кастозь лембе кшисэнть

Ятонть каршо тюрицятнень андыть.

...Лия шка ней. Тракторт перькат урныть.

Паксянть марто таго, оя, морат.

Кедеть алдо ванат, кода пурныть

Паксятнесэ сюро виев цёрат.