***

Видькстан, сизинь –

Кувать сокинь, изнынь,

Кувать лазнынь моргов тумонь чочкт.

Укстни кизэсь;

Сонгак, ванан, сизесь,

Сонзэяк, нать, мелявксонзо покшт.

Апак нуе

Лов потс паксясь туи.

Апак пивсэ колозт модас прыть.

Тиринь Мода,

Кода улемс, кода?..

Мекс Россиянть лия масторт трить?!

Елят, сазорт,

Мекс минь аволь азорт?

Мекс миненек шабрат ёвтыть превть?

Кие истя

Минек менди, свисти,

Кие ёртни пирезэнек кевть?

Шка сась кевкстемс,

Шка сась сетнень невтемс,

Кить эзть максо тенек ёвтамс вал.

Превей атят,

Мазый чама патят,

Мекс минь истя эрятано свал?