ПИНГЕНЬ ТОЛ

Эрзянь Масторавась

Кортась войнань кельсэ:

«Модась верь потс ваясь!

Чись копачавсь пельсэ!

Вана, эйднем, торо,

Саик авать кедьстэ.

Ванстомак монь, цёрам,

Кравтыть ятнэнь тестэ».

Эрзянь сэтьме алясь

Кивчкадсь теке ёндол.

Сонзэ оймесь марясь

Варма эрьва ёндо.

Пелема эзь сода —

Тюрсь эрзя-солдатось.

Вий макссь тензэ Модась.

Мендявсь, синдевсь ятось.

Косо, зярдо чавовсь

Эрзянь мазый цёрась?

Учи Масторавась.

Палы Пингень толось.

Валдо Чись ды Ковось,

Сельмть прок, ваныть верде.

Чинь-чоп Пингень толось

Сюконямо терди.