Эрзянь келенть кисэ

Вереть лаказь палы.

Эрят стакань кисэ,

Ойметь сельведть валы.

Чийнят прявтнэнь ланга,

Мельсэть — эрзянь школась.

Эйтне апак янга.

Ёвтак, зярдо соласть?..

Шкась ней сэпей, салов,

Чопода ды кельме.

Шкась комавты алов,

Сявадовты сельметь...

Ансяк тиринь морось

Валдо ёжот кучи,

Ды кемемань толось

Минек эйсэ учи.

Тонеть, превей ава,

Арсян седейшкава.

Улемс шумбрачисэ,

Аштемс теветь кисэ.