ФРОНТСТО СЁРМА

Чиинь ловганть, теке ичинь сёвонь,

Карьган ведесь ютнесь тей ды тов.

Тундось чама невтнесь, телесь — човонь.

Войнанть прядомс кадновсть кавто ковт.

Истя кандынь фронтсто кучозь сёрманть,

Косо тетям сёрмадсь: «Курок сан...

Пры ва курок прязо «аванькс орманть».

Кадовсь вейке кирьгасонзо сан.—

Поладсь тетям,— авать туртов лездак,

Школань, паксянь, кудонь тевтнень тейть.

Вишкинестэ, цёрам, модас пезнак,—

Вана истят валон течи теть».

...Ютазь шкадонть ожолдыця сёрма,

Мои тонь таго ловнан одс ды одс.

Свал тон монень Изнямочинь сёлмо,

Сыть тон монень идезь Моданть трокс.