***

Таго туеме эйсэнь терди кись…

Ахоли кедьсэ ды энялды: «Капшак!

Кенерсь куземе менель куншкас чись,

Тон яла кольнят, кода вишка пакша».

Иля капшавт монь, сурекс таргазь ки!

Нусманя ёжось тонеть а содави…

Тонь рунгот пиземетнеде начки,

А монсесь сэрьс сельведьсэ копачави…

Мон пупордян тиринь поровтонть трокс.

Те шкас истямо монь марто арасель….

Арази ушодомс весементь одс?

Вельмевтемс чинть, конась умок калмазель?

Арась…сы шка ды стувтса лавшочинть!

А нолдан сельведть кенкшень тулодомсто…

Кундаса кедте апак пеле кинть

Ды апак кавтолдо туян кудосто.