***
Кизна чуросто, оям, пракшны
лов…
Тельня чуросто лисни маней
чизэ..
Виев пиземне а моры цеков,
А кадны вишка нармушкинесь
пизэнть…
Сеедьстэ эрямосонть салов
тансть
Чевте тодовонь начтыця
сельведте.
Сеедьстэ вешат Пазонть пельде
чансть
Ды аволь вечкевиксэнть кирдят
кедте.
Чуросто…сеедьстэ…а мезесь
эрси свал?
Мезесь неяви ды токшеви
кедьсэ?
Минь ульмавтомо кундсетяно
калт
Эрямонь рудазов ды чинев
ведьстэнть…
Минь пеняцятано зыянтнэнь
лангс,
Минь пурнатано пусмос кежей
пежетькст
Ды сезневить ойменек панксонь-панкс.
Ды ёмить эрямостонть кеме
нежеть.
| 
