***

Ловонть марто мекс-бути кортавлить,

Мезе-бути сонензэ ёвтавлить, -

Пры сон – теке оймамо мери,

Пры сон – теке седееть мари.

Сэредькстэме арази марявлик,

Сэредькстэме арази содавлить,

Кода ловось чатьмонезь моры?

Пры сон нусманясто, пры сон састо,

Пры сон – теке лекси кувакасто,

Валги – теке салава кецни,

Валги – тонеть валдонзо венсти.

Чевте увтсо пси седееть васты,

Пры сон, прок аволь лов шушмо касты, -

Томбазь ойметь сэредькстэ менсти.

Арази марявлик сэредькстэме,

Кодамо сон чевте ды кежтеме,

Арази редявлик – лов ды лов…

Правтсь седейзэть вельмевтемань тов.

Одс тонавтнян эрямо, лексеме,

Одс тонавтнян эскельксэнь тееме,

Ды кемеме тонавтнян одов.