Каргт ливтить
Тетям ды авам модамарть таргить.
Монгак вакссост. Мон вишкинян. Тень — кото.
Мон модамарть кочксян ды ванан, кода
Вельксканок апак капша каргт ливтить.
Ливтить ды рангить, седейс мик токи
Рангомаст. Ливтить апак эрязкале.
Маряви, мельгаст венсти прянзо калесь,
Ды пельтне айгсть: бажить тенст максомс ки.
— Мезе лиссь мартост? — арынь тетянь ваксс.
— Сынь истя морыть... — мерсь тень тетям састо.
Сон мельгаст вансь… ды лекстясь кувакасто,
Ды путызе пильгензэ койменть лангс.
Мекс эно сестэ морыть, прок лайшить?
Мекс нусманясто сёлмсост сынь аволить?
... Мон чарькодинь: арась виест каштмолемс,
Зярдо эсь тиринь таркатнень кадыть.
http://turizm.lib.ru/img/c/chuksin_n/indian_summer/index.shtml
| 
