СЕДЕЕМ УЧИ ЭЙСЭТЬ

Мон Тонь эзитинь стувто. Седеесь а стувты мезеяк. Превтне умок уш весементь чарькодизь ды калмизь. Оймесь жо яла кайсеви, ризны, учи…

Превтне содыть: учомс а мезе, весемесь умок прядовсь ды эзь ушодовкшнояк…

Монь вечкить. Мон вечкан. Весемесь валаня, кудосо лембе.

   – Косат?.. Мон те шкас учан эйсэть! Кадса весементь, сырган мельгат кепе,

пиземе алга… Максса тонеть весе вечкемам, весе лембем, весе эрямом!.. Карман сёрмадомо ансяк тондеть… Ули мелеть? Ёвтак!

Чатьмонема. А марясамак. Марямскак умок арась уш мелеть… Эх, а улевельгак бу зярдояк!..

А кеман вечкеманть прядовомантень. Алкуксонь вечкемась ансяк кекши, бути сонзэ лангс ютамсто чалгить. Тон жо кортат – ютась…  А содаткак – эзь сакшно. Сы – чарькодят. Паряк, те шкас чарькодить?..

Седеем учи эйсэть… Ансяк одс иля сакшно! Валсынь сельведтнень ды, кода свал, чалган од чис.