ЭРЗИАНА эрзянский литературный сайт

ПРЯКСЛОПА
Категории раздела
Мои статьи [331]
Стихи [571]
КАВТО ВАЛСО
Статистика
Главная » Статьи » Мои статьи

Ёвкс. Маня ды Ванё
Маня ды Ванё

Эрясть тетят-ават. Ульнесть сынст кавто экакшост - Маня ды Ванё. Кулось сынст аваст ды урьвакстсь тетяст лия раськень ава лангс.
Одавась эзинзе вечке мирдензэ эйкакшонзо ды арси:
- Кода ускомс сынст вирев, ды тосо ёмавтомс.
Пря эсензэ чавсь-яжась. Ды мельзэ сась теемс апаро тев. Кильдизе алашанть, кода эйкакшнэнь тетяст тусь ошов, ды
мери:
- Манят-Ванёт, айдо мартон вирев пенгень керямо.
Те авась ульсь алкукс яга-баба.
Ванё сайсь мартонзо вишка кевть, ды ёвкстынзе зепс. Ардыть сынь. Ардомстост церынесь велявли ды кевтнень ёртли килангс. Яга-бабась неизе ды мери:
- Ванё а Ванё, мезе тон теке сукс стылят-велят?
- Тенек васоло килангсо, о-оно!, каткине вастовсь.
Яга-бабась тензэ мери:
- Те аволь каткине, те урыне.
Састь вирев, яга-бабась ды мери:
- Пурнадо тарадт ды валядо сынст ве таркас. Монсь молян пенгень лазномо. Кода сы шкась кудов велявтомс мон тыненк сергедян, ды тутанок кудо ёнов.
Сон тусь лия таркав,сюлмизе вишка парьканть чувс. Вармась сонзе пувси ды нурси, парькась вачкои чувтс. Пакшатне арсить, тоёно пенгть лазны авась.
Сынь пурныть тарадт ды ве таркас канднить, пекест вачомсть ды сизесть. Маня озась ды кармась авардеме.
- Мейсь сон тешкас мельганок а сы, кудов а пурны, минек а терди?
Ванё мери:
- Эряви мольмекс тов, коёндо вачкодевксэсь маряви. Тосо сон ули, пенгть керьси.
Мольсть тов, ваныть, тосо парькась тарадс понгавтозь нурси, чувтс вачкои, ды кияк арась.
Маня рангомо кармась,сельведь валмо. Ванё кармась эсест оймавтомо:
- Лиси ковось, минь кинть мусынек: мон кевть ёртлинь...
Лись ковось, тусть сынь кинь вешнеме. Молить сынь, молить.
Мусть кев. Те кевенть саизь. Весе кевтнень кочкизь, те тевесь секс лиссь, кевтне ков валдонть ало цитнесть. Истя, кев кувалга, сынь кудост муизь.
Яга-бабась тандадсь, кармась позурямо, мезекс кудов сыде?!.
Омбоцеде манинзе.
Ванё кевть эзь кенере саеме, ёвкстась зепс костязь кошксеть.
Ягась таго мартост тусь. Ванё истяяк удалов ёртли кошксетнень. Ягась кевсти:
- Ванё, мее тон велят суксокс?
- Мон каткан марто вастован.
- Те аволь каткине, те урыне.
Састь. Вирьсэ кучинзе тарадонь пурнамо. Эйкакштнэ эзть чаркоде,омбоцеде манявсть. Сонсь авась, парьканть, тона ладсо сюлмизе ды пурнась кудов . Манят- Ванёт чокшнэс тарадт пурнасть. Мольсть пенгень лазномо таркас , ды тосо кияк арась. Маня рангомо, Ванё оймавты:
- Иля ранго, Маня, мон ёртлинь кошксеть. Минь кошксень кине, кинть мусынек.
Тусть сынь кинь вешнеме, ды кошксетне арасть. Нармунтне кочкизь-клюкизь, ды салсизь.
Эйкакштнэ аздыть кона пелев мольмекс.Тусть вирь янга. Ды лиссть кудо ваксс, конась вирь кужосо аштесь, те кудосонть эрясь сыре покшавине. Ванё мери:
- Кудыне ды кудыне, велявт вирентень удалоёндо, монень - икеле ёндо.
Кудынесь велявтсь-арась вирентень удалоёндо, Ванёнень - икелеёндо. Совасть сынь кудос, ды тосо кияк арась.
Ванё ды мери:
- Кудопотмарс кекштянок, тоско удотанояк. Кияк сы се шкас.
Сынст лангсо удость саразт.
Сы ялго бабинесь ды канды нумоло. Моли ды мери:
- Коштось эйкакшонь чине марто... тесэ экакшкеть...
Совась кудос ды пеедезь мери:
- Кузян кудопотмарс, кундан сараз, или меяк лия, мезе тосо ули, ды карман эйстэдензэ ям пидеме...

http://www.liveinternet.ru/photo/3058640/post17083939/
Ванё маризе, патянзо туртов мери:
- Эряви тестэ верськадемс, бабась минек несамизь, сестэ минденек ям пиди.
Кода сынь кавонеск кирнявтыть ды меньме вирьёнов.
Бабась маринзе, неинзе ды мельгаст,сасынзе,таго вирьсэ а ёмавольть, тосо лей. Лейсенть укшныть дига ды гала.
Бабась кода пижкади:
- Тега!Тега!Тега! Лия лей чирес ускитя пакшатнень!
Дигась ды галась бабанть маризь, экакштнэнь лия лейчирес ускизь.
Тесэ сынст кудост а васоло ульнесь.
Састь сынь кудов. Ванё ды мери:
- Ней прям одс манямс а максса, патян рокордазь а кадса. Перть пельганок ракшатнеяк, нармунтнеяк лездыть тенек. А вана аваломанесь, тетинень вечкицясь, кудосто пани...
Чарькодсь авась, те масторсонть раськеськак,ды ракшаськак, нармунеськак вейсэнь вейсэ эрить, вейкесь вейкенень пачк лездыть

Эрзякс ёвлизе Терюшань Серьгу.

Витнизе Эрюш Вежай
Категория: Мои статьи | Добавил: tati (25.10.2009)
Просмотров: 736 | Рейтинг: 5.0/1 |
Всего комментариев: 0
Имя *:
Email *:
Код *:
...ERZINFORM
ОД СЁРМАДКСТ
[31.10.2010][Стихи]
Александр Арапов. К... (0)
[24.01.2010][Мои статьи]
Художники в СССР. Из... (0)
[21.10.2010][Стихи]
Исланкин Юрий Иванов... (0)
[21.10.2010][Стихи]
Исланкин Юрий Иванов... (0)
[21.10.2010][Мои статьи]
Исланкин Юрий Иванов... (0)
ВЕШНЕК
ЛОПАНТЬ ЯЛГАНЗО
  • Официальный блог
  • Сообщество uCoz
  • FAQ по системе
  • Инструкции для uCoz

  • Copyright MyCorp © 2017
    Сделать бесплатный сайт с uCoz