|
|
Артур Моро. Веледе лецтнемстэ
Веледе лецтнемстэ
Мезеяк эсь мартом
Мон уш ней а теян:
Хоть стувтомо снартан –
Веленть эйсэ неян.
Лецтнян, кода чудить
Чудикерькстнэ сиякс,
Теке морыть нудейть
Мельспарос, часияс,
Кода леенть кувалт
Нувар кальтнень алга,
Састо яксить тува,
Косо вастнить ялгат.
Косот сынь? А содан.
Весь пря вельксэнь – курсякс,
Педясь седейс модась,
Конась лавсекс нурсесь.
|
| Категория: Стихи | Добавил: tati (25.09.2009)
|
| Просмотров: 1476
| Рейтинг: 0.0/0 |
|
|
|
