ЭРЗИАНА эрзянский литературный сайт

ПРЯКСЛОПА
Категории раздела
Мои статьи [336]
Стихи [571]
КАВТО ВАЛСО
Статистика
Главная » Статьи » Стихи

ВИРЬ ЧИРЕСЭ ЭРЗЯНЬ ЦЁРА ПЕНГТЬ КЕРИ. Эрзянь моро

ВИРЬ ЧИРЕСЭ ЭРЗЯНЬ ЦЁРА ПЕНГТЬ КЕРИ

 
Вирь чиресэ эрзянь цёрась пенгть кери,
Вирь крайнесэ эрзянь алясь поленци.
А икелев эрзянь цёра сон варшты,
А удалов эрзянь аля сон варшты.
Вармавтомо килей прятне нурятыть
Кошткевтеме тикше прятне велятыть.
— Варштазевкшнесь эрзянь цёра удалов
Удалонзо эрзянь алянть ногай вий.
Варштазевкшнесь эрзянь цёра икелев —
Икелензэ эрзянь алянть губан вий.
Козонь, козонь эрзянь цёрась кекшекшнось?
Козонь, козонь од алинесь совакшнесь?
Курч-карч алов эрзянь цёрась кек шекшнесь,
Курч-карч алов эрзянь алясь совакшнкшось.
Карь пирязо эрзянь цёранть эзь ке евть1.
Карь кокшкезэ од цёрыненть эзь вельтявт2.
Карь пирядо сыре ногай кундызе,
арь кокшкеде сыре губан таргизе,
Камбразонь трокс эрзянь цёранть каизизе,
Верек кшнасо эрзянь алянть сюлмс,
Ногай масторс эрзянь цёранть саизе,
Кардайзэнзэ эрзянь алянть ускизе.
— Вай, листяя, ногай ава, каршозон!
Анок уре, ногай ава, мон туинь,
Анок вардо, губан ава, мон ускинь.
Кудозонзо эрзянь цёранть саизе,
Кудозонзо эрзянь алянть кандызе.
Кармавтызе пиже тякань ваномо,
Кармавтызе мазы какань нурсеме.

«Утю-балю, ногай эйде, мон мерян,
Утю-балю, ногай тяка, мон кортан.
Пиря ёнов, ногай эйде, нурявттан,
Пиря орма, ногай эйде, муензат.
Рунго ёнов, ногай эйде, нурявттан,
Пукшов, телав, ногай эйде, иля ульть1.
Пильге ёнов, ногай эйде, нурявттан,
Пильге ормас, ногай тяка, совавттан».
Кармавтызе сон пирянзо чавсеме,
Сон и кармась эрзянь кельсэ кортамо,
Сон и кармась эрзянь валсо кортамо:

— Тон кодамо, эрзянь цёра, ломанят?
Тон кодамо, эрзянь аля, ломанят?
Кода тетькать, эрзянь цёра, лемезэ?
Кода авкать, эрзянь аля, лемезэ'
Сон ёвтызе, эрзянь цёра, тегьканзо,
Сон ёвтызе, эрзянь аля, авканзо.
Вачкодсь кавто ногай ава кедензэ,
Пурдась кемень губан ава сурнэнзэ.
— Видна улят, эрзянь цёра, ялаксом,
Видна улят, эрзянь аля, дугинем.
Вай, азёка, сыре ногай, виика,
Вай, азёка, вай, азёка саика,
Тон виика, сыре ногай, тетьканень,
Тон виика, сыре ногай, авканень.
Сонськак дугам, сыре ногай, вейкине,
Сонсь ялакскем, вай тон, ногай, ськамнензэ.
Тон пекстык тиринь тетькань кудонзо,
Тон маштык шкинень авкань юртонзо.

(Текст приводится по сборнику песен М. Е. Евсевьева.
Песня записана в 1894 г. в с. Кажай-Максимово. Оригинал хранится в личном архиве М. Е. Евсевьева - д.7, лл.34-35)
Категория: Стихи | Добавил: tati (20.09.2009)
Просмотров: 2485 | Рейтинг: 5.0/2 |
Всего комментариев: 0
Имя *:
Email *:
Код *:
...ERZINFORM
ОД СЁРМАДКСТ
[19.01.2010][Стихи]
Александр Арапов. С... (1)
[21.10.2010][Стихи]
Исланкин Юрий Иванов... (0)
[24.01.2010][Мои статьи]
Регина БУДАРИНА. Пут... (0)
[24.01.2010][Мои статьи]
Художники в СССР. Из... (0)
[21.10.2010][Стихи]
Исланкин Юрий Иванов... (0)
ВЕШНЕК
ЛОПАНТЬ ЯЛГАНЗО
  • Официальный блог
  • Сообщество uCoz
  • FAQ по системе
  • Инструкции для uCoz

  • Copyright MyCorp © 2024
    Сделать бесплатный сайт с uCoz