ИНЕЧИ

Кеняркс чить (ней праздникть)

Эрзянь стувтозь койть,

Лембе валт ды казнеть,

Тиринь моронь жойть,

Айгорсо ардтнемат,

Налксемат ды ёвкст..

Акуломас кемат? –

Видькстак, тиринь ёнкс,

...Васолбабам пиди

Ям ды пани кши,

Кеци: «Нуцькат, сыде! —

Течи Инечи!»

Васолпокштям венсти

Тенек артозь алт.

Сивестэнзэ менсти

Плаштя, ёвты валт:

— Покш сюкпря тенк, сыде,

Превей «карго левкст».

Таго учовиде,

Оймень эждий пелькст.