***

А весть ванькс ведезэть якинь

Ды чемень оймем потсто шлинь.

Уставинь одс, од чис эскелинь,

Мик эсь арсеман пацькамс пелинь.

А весть энялксом кандынь Теть

Ашо чивалдоне ды веть.

Тон кедеть венстилик каршон,

Ды мон чарькодилинь: те — Тон.

Таго икелеть аштян. Визькс...

Седеем килькшти ношка пштикс.

Зяроцеде чалгсян тей ян,

Кавксть ава — эйкакшокс аштян.

Улезэ свал вием Теть чиемс.

Инешкипазтомо мон кие?!