***

Пандома питне эрьва валонть кисэ,

Аволь мейсэ лиясо — оймень псисэ,

Аволь киньгак икеле — Верепазонть, —

Эрьва валонок кисэ, зярдо шка сы.

Муевить весе, кува певердинек,

Зяро рамсинек ды зяро миинек,

Почодынек тардиця седейть салсо...

Аволь эждиця валсо — салов валсо.

Тонавтомак, Шкипазом, чатьмонеме,

Эрьва валонть эсь питнензэ нееме.

Ды сехте ламось ёвтавозо сестэ,

Зярдо нолдавтан чумом Цёрать кедьстэ.