ТУНДОНЬ       ВАРМА

Лисян келей паксяв,

Кува вармат яксить.

Тердемензэ карман

Тундонь лембе варманть.

Лекшкады сон эйзэнь,

Панжадо седейзэнь.

Маней сэтьмечисэ

Варминесь монь кисэ

Стявтсынзе тикшетнень,

Наян цецинетнень.    

Мери састынькине: —

Сась инжекс цёрыненк,

Кецядо сонензэ,

Панжинк ойменк тензэ.

Сон тынстеменк курок

Тееви прок уроз...

Кортнинек минь кувать,

Зярс варминесь пувась.

Лажи ёжось киремсь,

Апак симе иредсь.

Парт, вармине, кулят;

Свал седейсэм улят!