С Е К С Е Н Ь   К И З Э Н Ь  ПАЛАМО

Кие ёмсесь вирьс, парсте содасы,

Кодамо те ёжось — ёнкс муить.

Зярдо маней менельстэ редясак —

Пельнетне кудо ёнов уить.

Оймесь а пешкеди лексемасо,

Цянавонь сёлмокс чави седей.

Рунгот анок киштемс кецнемасо,

Олячинтень келемить кедеть.

Тень кондямо ёжонть ламбамозо,

Зярдо понгат толбандине ваксс,

Менель пестэ сы ваксозот, озы

Гувныця зоринень вишка пакш.

Сонзэ лексемазо салатанзат,

Кепедтянзат васов, менель тёкшс.

Зярдо сёксень кизэсь палатанзат,

Уцяска а эрси седе покш!