СЁКСЕНЬ  ВЕ

Мадсь икелем сёксень весь, 

Теке ансяк сокань мода.

Каткине ладсо лексесь

Велесь, ризксэнь апак сода.

Ледсь мелезэнь умонь шкась,

Ульнесь истямо жо везэ. 

Авам ильтямом пурнась,

Эзть кирдеве сельведензэ.

Шождыне, уцяскав шка! —

Исяк школам мон прядыя.

Кенярдомась кодашка:

Олячинь валскем вастыя!..

...Таго вастымим велесь,

Сэтьмень пачк ютан ульцява.

Тунь эзь полавтово весь,

Ансяк арасть тетям-авам.