***

Арсинь эрзякс мон – сёрмадынь рузкс,

Кортынь пупорькшнезь, човоринь валтнэнь.

Зярдо сылинь эсь ломантнень юткс,

Теке руз эрзякс кортамо снартнинь.

…Кувать ванстынек коенек минь, -

Эрзякс кортынек, эринек эрзякс.

Минь а эрзят ней… Чумондомс кинь?

… Кие келензэ аздасы – нузякс?..

- Иля музгорде, озак монь вакс, -

Бабам пшкадсь монень пазаванть алдо, -

Ульть тон, нуцькинем, ульть валдо прякс,

Содак, эсь келесь – удемень валдо!