Нумолнэ-грешнойне
- Нумолнэ-грешнойне, косо эрят-аштят?
- Эрянь, эрян, патякай, эрян, эрян, авакай,
Ташто баня уголсо, сыре атянь чельниксэ.
- Нумолнэ-грешнойне, якить-эзить инжекс?
- Якинь, якинь, патякай, якинь, якинь, авакай.
- Нумолнэ-грешнойне, каванидизь-эзидизь?
- Каванимизь, патякай, каванимизь, авакай.
Даря пачанядо, Маря прякинеде.
- Нумолнэ-грешнойне, симдидизь-эзидизь?
- Симдимизь, патякай, симдимизь, авакай.
Даря винынеде, Маря брагинеде.
- Нумолнэ-грешнойне, ильтидизь-эзидизь?
- Ильтимизь, патякай, ильтимизь, авакай, -
Даря коцькирьгансо, Маря помиласо.
Саезь «Духовное наследие народов Поволжья:
живые истоки» книгастонть – Самара, 2001.
| 
