Тельня

Телесь шанчни арды Каргонь Киванть,

Сиянь салмукст сувтни вень менельстэ,

Яла верев кепедевти сивенть

Ды ловонть чикордовты гайтевстэ.

Вармась вакссом ормав ломанькс лекси,

Носки, прок стардызе судокстомо.

Кудоюткотнева мештес эшкси:

Паряк, истя лисни монь вастомо?..

Содан: капшазь чият каршом ванды

Ды терявтат, пелезь, кутмордамом.

Вастомась таго кеняркс а канды:

Аволь рунгом – оймемгак пурдави.

1987