***

Ютасть монь тонавтнемань иетне,
Кадовсь васов эйкакш пингень шкам,
Но течи велявтынь чачома таркав
Веле ютксо аштян, комась прям.
Тия кепе, штапо кизна чийнинь,
Те киланганть клубонть ваксс якинь,
Тесэ тейтертнень, цератнень марто
Кедте кедьс кундазь морот морсинь.
Васоло ней кадовсь те шка порась,
Секс веле ютксо комавты прям.
Нимилявокс велькскан пингесь ливтясь,
Ялгань вайгельсэ пижни мельган.
Ташто школанть чувтонь-чувтонь сравлизь,
Тарказонзо эрьва чи якан,
Учительтнень, ялгатнень,уроктнень
Седей потсо чевтестэ кирдян.
ВАй, сятны,сятны, сятны седеем,
Маштомо пев яксяргокс уян
Велявтан ли мекев тиринь таркав,
Ведь ванды мон покш ошов туян.
Ютасть монь тонавтнемань иетне,
Кадовсь васов эйкакш пингень шкам,
Но ванды покш городов тумосто
Ойметьксэкс модыне мон саян.