***

Велян-чаран – налксезь – нурсемасо…

Эх, эрямо, веляськады прясь!

Валдонть весь вельтясы чоподасо,

Беряненть полавтнесы вадрясь.

Верев-алов, верев-алов ливтнян

Унжакс, вишка нармушкакс, тештекс.

Сёксня – рудаз пильгень ало пивтян,

Тунда – секень. Кинень те, мезекс?!

Эх, эрямо, ливтян, нилян коштонть,

Чалгсян рудаз, келян эстень ян,

Сувтнян читнень моданть велькссэ – почтонть…

    Эх, нурямот… Кемеви – эрян!