Импортной панар

 Цёрась Микита а важов,

Эрзякс кортамо эзь бажа.

"Шумбрат" эрзянь валонть таркас

"Здрасте" пейтнень пачка таргась.

Якась Микита базаров,

Рамась панар алясь паро:

Пондакш прят тештязь мештева,

Tumon`petkiel!` кутьмерева.

Цёрась оршизе, шны прянзо:

Арасть ломанть коряванзо.

Панаром, келя, немецень,

Истят улить аволь весень.

Сыре покштязо ловнызе,

"Дойчень" кельстэ ютавтызе.

Нуцьканть сельмтне натой летькемсть –

Сёрмадозель:"Тумонь петькель!"

Истя мертяно весенень

Неень пингень эрзятненень:

Ки келензэ а содасы,

Тумонь петькелекс лемдясызь!