Марковна

Сима патясь Рав томбальде

«Эрзянь карть» усксь шождынеть.

Картне ульнесть семеричкат,

Налкшкень кондят мазыйнеть.

Кецявтынзе неть картнесэ

Эсь вечкевикс раськензэ.

Од ломантне, сыретнеяк

Весе цяпасть сонензэ.

Моросонзо эрзянь ойменть

Авась сюпалгавтызе.

Ды эсензэяк эрямонть

Истя кувалгавтызе.

Сонсь ней теевсь гайтев морокс,

Эрямозо – валдо ёвкс.

Эрзянь панарсо неяви

Мазый, прок пурьгине ёнкс.