Сыре солдат

Ошонь парксо летьке варма налкси,

Яннэнть ланга лопатне киштить.

Эрьва чистэ тесэ, эрьва валске

Пильгевтеме атине ашти.

Течияк оймси эземне лангсо.

Пурнавсть эйкакшт сонзэ икелев.

Ёност мельспаросо яла ванкшны:

Мазый шарт сынь нолдтнить менелев.

Апак учо сон нусмакадсь, редявсь,

Кадык ванькс менелесь, чись важов.

Сонзэ ёжось чачонь коряс неявсь:

Потмургалесь чамазо аржов.

Астувтовикс шканть атинесь ледстни:

Сталинградось сельмсэнзэ гувны.

Маряви тензэ: душмантнэ леднить,

Зэрттенть модась, менелесь увныть.

Толсонть эйкакшт рангить – седей лазыть.

Равонтень ломанть ваить-ёмить.

Войнань чамась истямо а мазый, -

Мик нейгак атянь ойменть стоми.