Авань ойме

Эйкакшон, тынь мезде, патят-сазорт,

Арсетядо? Мекс кияк а сы?

Тевенк ламо… ней тынь весе азорт…

Кода вишка нуцькинесь касы?..

Покшонтькак, нать, шказо арась черькстамс

Кавто-колмо валнэть конёв лангс?

Берянь – шабрань сельмс а мейсэ нерьгстамс.

Сёрманк сы, ды мерян: сыть тей пангс!

А сатадо, - мерян: чарост нолдась,

Велявтсть мекев, ней сы кизна сыть…

Аволь сэредтькак монь пильге полдась…

Веньберть майсян, нувсян ансяк чить.

Ды свал марян ортань чикордома,

Ды прок кие вачкодьсамам пряс,

Зярдо пшкадить: «Бабушка, ты дома?

Как ты здесь, родимая, без нас?»