Авань вечкема

                                             Н.Родионованень

Кучить пси Чечняв полк мельга полк,

Палыть солдаттнэ, прок толсо олгт.

Учить кудосо пельдест кулят,

Цёраст жо маштызь сювозь пулят.

Надя тусь цёранзо вешнеме,

Тюремань паксястонть идеме,

Пачкодсь, теке адс, сон Чечнянь фронтс,

Мерят ваясь стака, берянь онс.

Тосо несь окопт сон ды солдатт,

Сезнезь, верьсэ валозь прят, полдат.

Ламонь тарка сон якась-пакась,

Ды эзь муеве тензэ цёрась.

Госпиталев мольсь, ды тосо – вай! –

Мари: пижнить мельганзо «авай!».

Цёразо пельскулозь уш ульнесь,

Аванзо вечкемадонть вельмесь.