***
Балалайкань уськтнень ланга
Сурон якить апак капша,
Сыргась таго стувтозь янга
Эрзянь морось, теке пакша.
Чольни кезэрь пингтнень алдо
Сиянь лисьмапринекс морось.
Моронь гайтьсэнть оймень валдо.
Моронь смустьсэнть эрзянь корось.
Сормсезь чама кальтнень ало
Балалайкась эрзякс урни,
Кода икеле, сон яла
Минек вейсэнди ды пурны.
Ды прок медте оймем анды,
Эжди верем сонзэ толось.
Пингень потмакстнэстэ канды
Минек раськень ойменть морось.
Anna Panjushkina. Tshamzinka raj., Pengilei k. J. Karm, 1987
| 
