Эрьзя

Эрзянь мастор, Сура ёнксонь вирь,

А мади, а энгами тынк славась!

Тесэ чачсь вирь тяка-богатырь,

Сонзэ лавсьсэ нурсекшнесь Вирьавась.

Эрямонзо перть теньсэ лакась –

Невтемс мазычинть эрямонь лувсто.

Аргентинавгак тень кис якась:

Чевте седейть панжсь калгодо чувтсто.

Чувтсто невтсь историянь геройть,

Конатнень лемест тештекс сыреждить.

Микеланджело ды Лев Толстой…

Кинь тевест моданок течис эждить.

Кевстэ маштсь панжомс авань седей.

Тевензэ максыть валдос кемема.

Оймесэнь кенери паро мель -

Эрьва эрзянтень Эрьзякс улема.