Монсь а содан, емавтыя мезем.

Тондеть арсян, апаргалян мон,

Костояк а муян тарка-эзем.

Прясом увны вайгелеть веньберть,

Свистить кирьгам кутмориця кедеть,

Пилень куцтить чевте пуло петь,

Чамам пицить лакиця сельведеть.

Палы рунгом прясто пильге сурс,

Теке седейс почодымизь салсо.

Паряк, мартот меньгак зыян лиссь,

Тон монь сюдат покорямонь валсо.

Истя мезекс чумондат те шкас?

Мезень тевсэ лангозот эзь савтов?

Мезе теят, вечкеманок чамсь,

Те апаронть явинек минь кавтов.

Кемть —

Моньгак уцяскась аволь медь,

Апак жаля синтримим, прок овто...

Стить икелем, теке чадыведь.