ВИТЬКСТАМО  

Иляст прядово гайгиця морон,

Мари седеем, вечкемам сась.

Исяк вастынь мон эряза цера,

Теке теште монь икелем прась.

Церанть черензэ чопода-ожот,

Мазый сельмензэ менельденть сэнть.

Варштыть лангозот, паркстомтсызь ежот,

Ковдонть мазыйстэ валдомтсызь венть.

Седейс педиця вечкевикс церась

Сельмень икеле ашти чить-веть,

Монень марявить тердемань морот,

Монень венстявозь учиця кедть.

Палы седеем вечкемань псисэ,

Пулон кодасынь, наряжан мон,

Чокшнень ушодозь зорювакс лисян,

Паряк, таго тень вастови сон.