Кудо прясо теште

Валдо валы - пейди,

Ушов эйсэнь мани,

Вечкема юткс терди.

Ковонть ало моро

Сельведть пани - гайги,

Лажныця вайгельсэ

Пиже седейть айги.

Веле пев - моронтень

Оймем ветясамам,

Тарькс санга чудиця

Прясто пильгс сайсамам.

Чувтомгады рунгом,

Прясо превем машты.

Пижан! Тейтерь мельга

Пансеме а маштан

Уроз кискакс кудов,

Синдезь мель, велявтан,

Пейди тештенть ало

Пря чаван, мелявтан.

Тештесь седеяк пек

Валдо валы - палы,

Мель кепеди: "Цёра,

А ёмат монь ало".