Каргонь Ки

Сравтовсь менельга Каргонь Кись –

Тештень кувтасто нармунь ян.

Уить пачканзо Ковось, Чись,

Ашолды киксэсь, теке сан.

Мороюткось:

              Каргонь Ки, Каргонь Ки,

              Зяро пусмосот сиянть тештть?

              Тонь лангс ваннозь, мелем лаки:

              Валдо уцяска пельдест вешть!

Пингеть ливтясть, та-ков оймасть…

Кие эрясь мелят, маныть?

Кезэрень покштянок оймест,

Паряк, тешттнень лангсто ванныть?

Менелесь, прок содов кожовт,

Тешттне – цитниця кевень ян.

Ки соды, зярдояк одов

Мон Каргонь Киванть мекев сан?

1996 г.