Сёрмадовкст

Чачинь якшамковонь 18 чистэ 1980 иестэ Одпичевеле Клявлянь буэсэ Самарань ёнкссо. 7 иесэ тетянь-авань марто туинек эрямо Кельме Таркав - Тюмень ёнкссов Когалым ошов. Тосо прядыять тонавтнимам школасо, лемезе ульнесь «Шумбрачи, ёнчи ды кеняркс» («Здоровья, добра и радости»). 1997 иестэ туинь тонавтнеме Тюмень ошов, Нефтегазонь Университетэв, важодема-тонавтнима тевем ульнесь (нефтень ды палыця сувонь  лисьма-варят пелема» («бурение нефтянных и газовых скважин»)  ды «капитально витема-петема лисьма-варятьнень»  («капитальный ремонт скважин»). Прядыять якстере конёв марто. 2004 иестэ карминь тонавтнеме Уральской Государственной Университетсэ, журналистикань факультетьсэ.

2000 иестэ  саезь карминь важодеме КПК-сэ («кулянь пачтямо керькст» - СМИ): васняяк ТВ куляньсёрмадеекс ТРТР-студиясо (Тюмень ош), мейле ульнесь Екатеринбург ош: корреспондентэкс «Областное телевидение», прявт редакторокс «Как дома» программасонть; Ине-Петрань ошсо важодянь 2006 иестэ – корреспондентэкс «100ТВ» каналсо, редакторокс «Веселое ТВ» каналонть. Ней важодян «Охотник и рыболов» каналонть редакторокс.

Сёрмадомо эрзянь кельсэ ушодынь 1999 иестэ. Материалом листнесть «Эрзянь Мастор» ды «Эрзянь Правда» кулялопатнесэ, «Сятко» ды «Чилисема» журналтнесэ.

Сёрмадан истяжо рузонь кельсэяк, сёрмадовксом листнесть «Финноугрия. Этнический комфорт», «Профессионал рекламно-сувенирного бизнеса», «Национальная газета» ды эрьва кодат инетернет-пачтямо керкснева.

2002 иестэ Россиянь Куляньсёрмадеень Кужос совиця (член Союза журналистов РФ), кода Омбомастороньсентькак (International Federation of Jurnalists). Истяжо Россиянь Суоми-угрань куляньсёрмадеень Ассоциацияньте совиця (РАФУЖ).

Кортан рузонь, эрзянь кельсэ, тютькеде англань кельсэ, тонавтнян суоминьсенть.