ЭРЗИАНА эрзянский литературный сайт

ПРЯКСЛОПА
Категории раздела
Мои статьи [336]
Стихи [571]
КАВТО ВАЛСО
Статистика
Главная » Статьи » Мои статьи

Ёвкс. Ривезь ды вергиз

Ривезь ды вергиз

Эрясть-аштесть атят-бабат.  Весть атясь мери:
- Панть, баба, прякат, а мон ардан лей чирес, калс.
Кильдизе атясь лишменть нурдс, сайсь мезе тензе эряви ды тусь калонь ульмамо.
Ульмась сон калтнэде пешксе нурдо ды уски кудоёнов. Арды атясь  вирьга ды неи:
Килангсо ривезь валяи. Кирнявтсь атясь нурдсто, чийсь ривезенть малас, ривезесь лык а теи, уды апак стыля, теке кулось. "Паро, карми бабантень вадря сивекс", -  арсезевсь сыресь ды ёртызе ривезенть нурдс. Сонсь лишменть панст ведьмеде ветямо кармась. Ривезесь тавадовксонть кал лангсто каизе ды калонь ёртлеме вейкень- вейкень кармась.
Истя, вейкень-вейке, калтнэнь ёртлинзе весе, тосо сонськак нурдсто кирнявтсь. Атясь мезеяк эзь нееяк. Совась кудов ды мери:
- Азёка, баба, кардаз икелев, мон тосо тонеть сивеяк, калткак ускинь...
   Бабась чиезь сейсь кудосто орта икелев, неинзе чавот нурдтнэнь:
- Косо тонь калтнэ ды сивесь ?  

- Ды, тосо! Нурдсот.  

- Арась тесэ мезеяк!..
Лиссь атясь ушов, сась нурдтнэнь ваксс, ваны: сынь чавот.
- Лиси ривезесь манимим, - чарькодьсь атясь ды ёвлизе все бабантень, кода кудов самсто муизе сон куло ривезенть.
Жаль марявсть атянтень-бабантень ривезесь кал марто, ды мезеяк а теят.
Маньчиця ривезькесь пурнынзе калтнэнь каль ало, озась ды ярсы. Тесэ ваксканзо вергиз чии.

    

http://fictionbook.ru/author/yeposiy_legendiy_i_skazaniya/lisa_i_volk/read_online.html?page=1

   - Шумбрачи, ривезькай!...  
   - Шумбрачи, вергизке!
   - Мезде тон ярсат ?  
   - Калдо...  
   - Монень максат, ярсамом сась.
   - Азе ульмак ды ярсак.  
   - Мон а маштан.
   - Те тевентень ламо превть а эрявить: чик лейс, нолдык  пулот ведьс ды учок:
Калось сонсь пулозот понгавтови; ансяк учок седе кувать...
   Чийсь вергизэсь лейс. Мусь, косо велень ломантне эенть чупонизь, ды тейсть тосо анксема, пулонзо нолдызе ведентень ды учи.
   Истя озадо  кувать аштесь,  кода валдомгадомо кармась, вергизэсь састынестэ кармась стямо ды пулонзо анксемастонть таргамо, ды а стяви кодаяк: пулозо эйс кельмесь! Варштась пертьпельга, неи: лей чиреванть ават парька-курся марто ведьс молить.

http://fictionbook.ru/author/yeposiy_legendiy_i_skazaniya/lisa_i_volk/read_online.html?page=1

Арсезевсь превей вергизесь вирев менемс, ды пулось эйсэнзэ а нолды. Аватне, кода неизь, вергизэнть пулозо эйс кельмесь, пельме эзть карма, ваксозонзо састь. Ды кие кода машты, кармасть вергизенть чавмо, кие ведрасо, кие курсясо. Вергизесь тей-тов кирнявли, ды пулозо а нолды. Истя  пек кирнявлесь, пулось – сезевсь!  Кода кирнявты вергезесь чийме вирьёнов, ансяк аватне неемензэ кенерсть.
   Ривезесь те шкастонть калтнэнь сэвинзе, ды симемазо сась. Сейсь сон веле малав, васенце кудос совась. Ёвкстызе прязо чапакс парьс, прязо чапакссо парстине ваднизе, ансяк кармась лия парьс прянзо тонгомо, ды тесэ азоркась совась. Ривезесь кирнявтсь ды кудосто вирь ёнов чийме. Чии ривезесь вирьга, неи, икелензе вергизесь пуловтомо.
   -  Ват тон косо,маницям, понгить!!! Ванат,  кода монь порксымизь, верьс!   Тонь трокс пуловтомо кадовинь!
   - Тонь, вечкевикс ялга, верьс равтыдизь, а монь прям порксызь,
Весе удемень ливтясть, - ды невтизе вергизентень чапаксов прязно.
   Вергизэсь кемизе ривезенть, ды мери:
   - Вечкевикс ялга, тонеть седе ламо понгсь.
   - Истя понгсь, пильгеньгак а кандовить...
   - Сестэ мон тонь, ялгай, кандтан…   - Кандымик...

http://fictionbook.ru/author/yeposiy_legendiy_i_skazaniya/lisa_i_volk/read_online.html?page=1

   Озась ривезесь вергизенть копорес, ды арды лангсонзо.
   Ды сонсь морот морси:
   - Чаво пря вергизесь, превей ривезь уски, канды...  
   - Мее тон, ялгай, тосо морат?
   - Ват авардян, ды ранган, равтозесь седе пек равтозенть канды...
   - Истя, ривезь ялгай, истя....

 

Эрзякс ёвлизе Терюшань Серьгу. 2008 ие.

Лездась и валт витнесь Эрюш Вежай

Категория: Мои статьи | Добавил: tati (25.10.2009)
Просмотров: 1496 | Комментарии: 1 | Рейтинг: 5.0/2 |
Всего комментариев: 1
1 Олег Вергиз  
0
Пек паро

Имя *:
Email *:
Код *:
...ERZINFORM
ОД СЁРМАДКСТ
[19.01.2010][Стихи]
Александр Арапов. С... (1)
[21.10.2010][Стихи]
Исланкин Юрий Иванов... (0)
[24.01.2010][Мои статьи]
Регина БУДАРИНА. Пут... (0)
[24.01.2010][Мои статьи]
Художники в СССР. Из... (0)
[21.10.2010][Стихи]
Исланкин Юрий Иванов... (0)
ВЕШНЕК
ЛОПАНТЬ ЯЛГАНЗО
  • Официальный блог
  • Сообщество uCoz
  • FAQ по системе
  • Инструкции для uCoz

  • Copyright MyCorp © 2024
    Сделать бесплатный сайт с uCoz