Михаил Алексеевич Втулкин чачсь 1929 иень эйзюрковонь 23-це чистэ Самара ёнксонь Похвистень буень Покш Толкан велесэ. Эрзянь поэт, прозаик, журналист.
1948-це иестэ прядызе Вишка Толкаень педагогикань техникумонть. Теде мейле Мордовиянь университетэнть. 1966 иестэ саезь М. А. Втулкинэнь стихотворениянзо, юморесканзо, фельетононзо, ёвксонзо, печатавкшность газетсэ ды журналсо. Васенце эйкакштнень туртов поэзиянь кувтазо “Сырнень шка” (“Золотое время”) лиссь 1981-це иестэ Саран ошсо. 1986 иестэ Мордовиянь книгань нолдыцятне казизь ловныцятненень Втулкин Михаилэнь ды Батяйкин Ильянь “Валдаське” стихень пусмонть. 1991-це иестэ нолдась ёвтнемань ды ледстнемань книга “Рав лангонь богатырь” Миша Боровдо. М. И. Втулкин автор “Эрзямас” (“Арзамас”) поэманть (1993), истят произведениятнень, кода “Эрзянь ава, зоря-ава” (“Эрзянка, заря-женщина”), “Од таркав” (“На новые места”) ды седе тов. Кулось 1991 иень ожоковонь 16-це чистэ. Калмазь Сарансо.
| 
