ЭРЗИАНА эрзянский литературный сайт

ПРЯКСЛОПА
Категории раздела
Мои статьи [331]
Стихи [571]
КАВТО ВАЛСО
Статистика
Главная » Статьи » Мои статьи

Татьяна Маторкина. Вечкемань валдо

Вечкемань валдо

  Ансяк панжовсть автобусонь кенкштне, ломантне капшазь, мельга-мельцек совасть ардомапелентень ды мукшнызь эсь таркаст. Меельцекс совась од тейтерь ды марявсь, ардыцятнень юткс понгсь алкуксонь чипайне. Совамозо ульнесь валдонь кондямокс: сон сеске сыргозтинзе нувсиця, свал мезде-бути арсиця ардыцятнень. Валдо менель сельмензэ цитнесть кенярксов мизолкссо. Тейтересь кедьсэнзэ кирдсь розань пусмо. Сон ютась се пелев, косо седе аламо ломантнеде, стамбаркине витизе мазыйдеяк мазый якстере пусмонть, аравтызе мештензэ ваксс, аволизь мерька ардыцятне. Таго варштась цецятнень лангс, мизолдозевсь: улема, ледстявсь тензэ сынст казицясь.

 Весе ардыцятне вансть тейтеренть ёнов, ансяк сон васололь сындест.

– Озадо, – стясь вакссонзо цёрась, сон сельмень апак сае вансь тейтеренть лангс.

– Сюкпря, – сэтьместэ мерсь тейтересь.

Сонзэ мазычись мольсь косто-бути потсто, ойместэ. Мизолкссто пешксе сельмензэ варштасть вальмава, косо цят якшамось чиевтсь капшиця ломантнень. Кода ладясь сонензэ те вадря ёжось: кенярксов, уцяскав! Марявсь, ардыцятненьгак токшинзе кодамо-бути лембе, цецятнеяк каштансто аштесть кедьсэнзэ. Гайгезевсь тейтеренть телефонозо.

– Кунсолан, – сэтьме, чевте вайгельсэ мерсь сон. – Монгак тонь вечктян. Учан. Вастомазонок.

      Автобуссо ардыцятне мизолдозевсть. Весе чарькодсть, мейсэ тевесь: чамасонзо сёрмадозель виев ёжо, певтеме чансть, конастонть пелькскетне, улема, токасть эрьвантень.

        Тейтересь седеяк пек лепштизе мештезэнзэ цецянь пусмонть. Цецятнеяк, мерят, маризь вечкемань лембенть, кивчкаезевсть мазый тюссост, автобусонь келес сравтовсь кенярксонь кандыця валдо – вечкемань валдо.


                                                 Свет любви

Как только открылись двери автобуса, люди, спеша, один за другим зашли в общественный транспорт и заняли свои места. Последней зашла молодая девушка. Показалось, будто в автобусе появилось настоящее солнышко. Её присутствие было как свет: оно сразу разбудило дремлющих, всегда о чем-то думающих пассажиров. Глаза светлого неба блестели радостной улыбкой. Девушка держала в руках букет роз. Она прошла в ту сторону, где поменьше людей, осторожненько поправила красивейший букет, подвинула к груди, чтобы никто не помял.

Девушка опять посмотрела на цветы, улыбнулась: видимо, вспомнила того, кто их подарил.

Все пассажиры смотрели в сторону девушки, но она была далека от них.

– Присаживайтесь, – встал около нее молодой человек, он не отрывая глаз смотрел на девушку.

– Спасибо, – тихо прошептала она.

Её красота шла откуда-то изнутри, из души. Глаза, полные улыбки, взглянули в окно, где мороз заставлял бежать и без того спешащих людей. Как ей шло это хорошее настроение: радостное, счастливое! Казалось, даже пассажиров коснулось какое-то тепло, даже цветы гордо держались на ее руках. У девушки зазвонил телефон.

– Я слушаю, – тихим, нежным голосом сказала она. – Я тоже тебя люблю. Жду. До встречи.

Едущие в автобусе заулыбались, все поняли, в чем дело: на ее лице было написано сильное чувство, бесконечное счастье, от которого осколочки, по всей видимости, коснулись каждого.

Девушка ещё сильнее прижала букет к груди. И цветы, словно почувствовав теплоту любви, засверкали своим красивым цветом. Весь автобус наполнял несущий радость свет – свет любви.

Подстрочный перевод автора

Категория: Мои статьи | Добавил: tati (15.11.2009)
Просмотров: 841 | Комментарии: 1 | Рейтинг: 4.8/5 |
Всего комментариев: 1
1  
Вадрясто +9

Имя *:
Email *:
Код *:
...ERZINFORM
ОД СЁРМАДКСТ
[31.10.2010][Стихи]
Александр Арапов. З... (0)
[21.10.2010][Стихи]
Исланкин Юрий Иванов... (0)
[21.10.2010][Стихи]
Исланкин Юрий Иванов... (0)
[21.10.2010][Мои статьи]
Исланкин Юрий Иванов... (0)
[01.02.2010][Мои статьи]
Александр Маркович Д... (0)
ВЕШНЕК
ЛОПАНТЬ ЯЛГАНЗО
  • Официальный блог
  • Сообщество uCoz
  • FAQ по системе
  • Инструкции для uCoz

  • Copyright MyCorp © 2017
    Сделать бесплатный сайт с uCoz