ЭРЗИАНА эрзянский литературный сайт

ПРЯКСЛОПА
Категории раздела
Мои статьи [331]
Стихи [571]
КАВТО ВАЛСО
Статистика
Главная » Статьи » Стихи

С. Дмитриева. Валморот вишка ловныцятненень
С. Дмитриева. Валморот вишка ловныцятненень

Пидиця

Допрок аволь стака тевесь
Анокстамс ярсамопелесь.
Пек шождыне пидемась -
Бути ават пидицясь.
Но лиясто аванень
Пек аютко пидемс тень.
Те шкастонть эрси истя -
Монсь ярсавксонь пидиця.
Керсян эмежть, каян сал.
Но а лиси тевем свал.
А чарькодян мейсэ тевесь?
А лиси ярсамопелесь.
 
 
Паро валт

Вадря валось "Шумбрачи",
Молицянень "Паро ки",
Удыцянень "Паро он", -
Неть валтнэнь содасыть тон?
"Инеськеть" валось вадря,
Иля стувт ёвтамс "Сюкпря".
Тон туемстэ ульть анок
Ёвтамс "Вастомазонок"


Раужкай

Раужкай, раужо катка,
Ловсодо симеме сака.
Мештесь ашо теке лов,
Сельмтне - кавто пиже повт.
Автни якстере кургонзо
Менди раужо рунгонзо.
Уды покштянь сэнь шляпасо,
Шли чаманзо эсь лапасо.

Для физкультуминуток

Рисьминеть

Сурнэтнесэ важодтяно -
Рисьминесэ налксетяно.
Вана невтиця сурнэсь, (вейсэндямс невтиця суронть пельканть марто)
Вана те сех сэрейнесь, (сех сэрей суронть вейсэндямс пельканть марто)
Те лемтемесь, (лемтеме суронть вейсэндямс пельканть марто)
Те пелькинесь. (пельканть вейсэндямс пельканть марто)
Кеме лиссь минек рисьминесь.

К точечному массажу

Пиленек кунсолыть ды марить.
Сельменек ваныть ды неить.
Превенек парсте важодить.
Суртнэ мазыйстэ сёрмадыть.

***
Минь сёксень лопинетяно
Тарад лангсо аштетяно.
Вармась пуви сыргатано,
Ливтятано, ливтятано.
Моданть лангс састо валгтано.
Таго пувазевсь варминесь -
Панжовсь вальмань форточкинесь.
Классов вейсэ соватано,
Чаразь-велязь ливтятано,
Тарказонок озатано.

***
Минь сёрмадынек, ловнынек,
Тонавтыцянть кунсолынек.
Доскас задачат решинек.
Окойники минь сизинек.
Оймсемстэ минь стятано,
Рунгонок менчетяно.
Кеденек хлопадинек,
Пильгсэнек топадинек.

***
Минь вирь кужова мольтяно
Ды пангинеть кочкатано.
Килей пангт минь мутано,
Эрьванть ваксс озатано.
Ванта кстыйть тесэ касыть,
Кочкицятнень сынь учить.
Нумолнэ каршо лиснесь -
Пиже тикшине порнесь.
Вирьсэ неинек ривезь
Кекшсь эйстэнек ёжовнесь.
Сэрей сярдо, виев ракша
Лиссь каршонок апак капша.
Истя вирьга яксинек,
Ламо диват неинек.
Ней минь классов сатано,
Парта экшс озатано.
 
 
***
Касы чувтынесь верев
Васов, овсе менелев.
Ваны чипаесь чевтестэ
Эжди моданть сон манейстэ.
Юрий Дырин. Солнышко

***
Чипаесь ваны вальмас,
Валдомты миненек класс.
Минь кедьсэнек цяпатано -
Чипаентень кецятано.

Опубликованы в журнале "Чилисема" 2009, 8, август

Категория: Стихи | Добавил: tati (23.11.2009)
Просмотров: 890 | Рейтинг: 5.0/3 |
Всего комментариев: 0
Имя *:
Email *:
Код *:
...ERZINFORM
ОД СЁРМАДКСТ
[31.10.2010][Стихи]
Александр Арапов. К... (0)
[24.01.2010][Мои статьи]
Художники в СССР. Из... (0)
[21.10.2010][Стихи]
Исланкин Юрий Иванов... (0)
[21.10.2010][Стихи]
Исланкин Юрий Иванов... (0)
[21.10.2010][Мои статьи]
Исланкин Юрий Иванов... (0)
ВЕШНЕК
ЛОПАНТЬ ЯЛГАНЗО
  • Официальный блог
  • Сообщество uCoz
  • FAQ по системе
  • Инструкции для uCoz

  • Copyright MyCorp © 2018
    Сделать бесплатный сайт с uCoz