ЭРЗИАНА эрзянский литературный сайт

ПРЯКСЛОПА
Категории раздела
Мои статьи [331]
Стихи [571]
КАВТО ВАЛСО
Статистика
Главная » Статьи » Стихи

М.Р.Биушкина. ЛЕЛЯНЬ ЛАЙШЕМА

ЛЕЛЯНЬ ЛАЙШЕМА

Лайшема морось превстэн а лисни.

Мезде монсь содан – седе мон ёвтнян,

Ламо шкань ютазь покш лелядон арсян.

Умок теемаль те стака тевесь,

Умок ладсемаль лайшема морось.

Паряк, муевить лайшема валтнэ,

Паряк, ладявить ниреж вайгельтне.

Кие чарькодьсы, кинь кисэ лайшан?

Кинень содави, кинь кис ниреждян?

А соды кияк Ваня лелядом,

Сонзэ тевдензэ, эрямо кидензэ...

Монь потсо умок палы кирвитол,

Мекс Ваня лелянь арась калмозо?

Калмсезь ве калмос войнас чавозтне,

Пурназь ве таркас умок кулозтне.

Ансяк мекс-бути ёмсесть лиятне,

А кортнить тевдест, а лецтнить лемест...

Мезе мон теян лавшо вайгельсэм?

Кинень эрявить чуди сельведем?

Эрде, ялгинен, куракшс пурнавдано,

Ледстнема чокшне вейсэ тейдяно.

Минек прявтнэнень кевстнемат макстано:

«Мекс стувтневтядо маштозь ломантнень?

Тынь парсте содасынк сеть шкатнень-поратнень.

Мекс кекшезь аштить чавома таркатне?

Мекс косояк арасть куломань тешкстнэ?

Эрьва чавозенть ульнесь раськезэ,

Эрьва ломаненть ульнесть содыцянзо,

Паряк, сась уш шка варштамс удалов,

Вастомс «Стака чинть» – лисемс вальмалов.

Сынь умок арасть, леместкак ёмасть,

А содасынек калмамо таркаст.

Козонь путомс тень цеця пусмине?

Кона таркантень модас сюконямс?..

Весе чавозтне превсэ а кирдевить,

Сынст буень лемест яла стувтневить.

Секс минь прявтнэнень сынек энялдомо,

Весе чавозтненень тешксэнь путомо.

Паряк, сась уш шка – прявтнэ чарькодить:

«Паро тев теят – тонськак паро марят»...

Те стака сталмось пры лавтов лангсто –

Зярдо таргавить ловажаст латксто.

«Кинень эрявить неть чувноматне?

Тусть эрямостонть сеть умонь шкатне...»-

Кортыть ломантне – коське седейтне,

Коське седейтне,ды, паряк, сынсь чумотне...

Да-а, эрямось юты – кирекс кевери...

Кеверезь ютасть кодгемень иетне...

Ансяк вейкиненть ванстызь лемензэ

«Эрзянь масторось» – Рябов профессоронть..

Кие жо содасы лелянь лемензэ –

«Якстере теште» газетань нолдыцянть?

Кинь эрзятне ловсть эсест идицякс,

Покш культурантень эйсэст ветицякс?

Кияк а соды неть покш тевтнеде –

А тейтерь-ават, а содыцят – цёрат.

Стувтовсь Григошин – се шкань поэтэсь…

Чесноков стувтовсь – пьесань сёрмадыцясь.

Кодамо апаро сынь тейсть масторонтень?

Панжовтсть од школат, ловнома кудот.

Грамотас тонавтсть одтнэнь, сыретнень –

Мезесь берянель теезь тевтнестэ?

Шка сась паросо лецтнемс ломантнень,

Теезь тевтнедест книгат сёрмадомс,

Простямот вешемс – лемест сыргозстемс,

Ошонь куншкантень сэрей тешкс путомс…

Минь весе тезэнь те чистэнть сатано,

Лувкши кандтано, лемест кундатано.

Атянь штатолонть минь кирвазтьсынек,

Чентязь седеенек весе оймавтсынек.
Категория: Стихи | Добавил: tati (03.10.2009)
Просмотров: 551 | Рейтинг: 0.0/0 |
Всего комментариев: 0
Имя *:
Email *:
Код *:
...ERZINFORM
ОД СЁРМАДКСТ
[31.10.2010][Стихи]
Александр Арапов. З... (0)
[21.10.2010][Стихи]
Исланкин Юрий Иванов... (0)
[21.10.2010][Стихи]
Исланкин Юрий Иванов... (0)
[21.10.2010][Мои статьи]
Исланкин Юрий Иванов... (0)
[01.02.2010][Мои статьи]
Александр Маркович Д... (0)
ВЕШНЕК
ЛОПАНТЬ ЯЛГАНЗО
  • Официальный блог
  • Сообщество uCoz
  • FAQ по системе
  • Инструкции для uCoz

  • Copyright MyCorp © 2017
    Сделать бесплатный сайт с uCoz