ЭРЗИАНА эрзянский литературный сайт

ПРЯКСЛОПА
Категории раздела
Мои статьи [331]
Стихи [571]
КАВТО ВАЛСО
Статистика
Главная » Статьи » Стихи

Михаил Алексеевич Втулкин. ВЕЧКЕМА

ВЕЧКЕМА  

Сравтовсь лугаванть сэнь сувонь паця,

Леесь томбальксэнть кутмори шалт.

Таго тондеть мон морынем лацян,

Вешнян мазыйть ды эждиця валт.

Латко лудомось цецясо викшнезь:

Ожот цецятне, якстереть, сэнть.

Теке откстомтозь пижолды тикшесь,

Пурны кенярдозь вастомо венть.

Морсезь ютаса пижолкай луганть,

Ламоксть сюконян модантень мон,

Мазый цецятнень пурнасынь, дугай,

Каштазкс-прясурекс кодасыть тон.

Сэрей менельганть понгавтневсть тештне,

Сельметь ладсо сынь цивтордыть веть.

Сынст бу сацтомс ды элезэть пештямс,

Эрьгекс керьксамс... пек ладявольть теть.

Леесь беректнень тантейстэ палси,

Кельме ведьсэнзэ пештинзе склень.

Ведесь чудемстэ кишти ды налкси,

Тештев менелесь чопода-сэнь.

Морот маряса мон леенть алдо,

Эйсэст вечкемань, тердемань валт.

Венчем елганя, бойка, прок ендол,

Леенть томбалев ливти, прок налт.

Монень масторось мазыйде мазый:

Марить тердеман, вастомон сыть.

Тештекс икелеть уцяскась празо,

Цецянь клумбасо ацазо кить.
 
 
Категория: Стихи | Добавил: tati (29.09.2009)
Просмотров: 721 | Рейтинг: 0.0/0 |
Всего комментариев: 0
Имя *:
Email *:
Код *:
...ERZINFORM
ОД СЁРМАДКСТ
[31.10.2010][Стихи]
Александр Арапов. К... (0)
[24.01.2010][Мои статьи]
Художники в СССР. Из... (0)
[21.10.2010][Стихи]
Исланкин Юрий Иванов... (0)
[21.10.2010][Стихи]
Исланкин Юрий Иванов... (0)
[21.10.2010][Мои статьи]
Исланкин Юрий Иванов... (0)
ВЕШНЕК
ЛОПАНТЬ ЯЛГАНЗО
  • Официальный блог
  • Сообщество uCoz
  • FAQ по системе
  • Инструкции для uCoz

  • Copyright MyCorp © 2017
    Сделать бесплатный сайт с uCoz