***

Мезде таго сэняжа сельметь

Начко таркасо аштить, авай?

Таго валон монь ульнесть кельметь.

Пеелькс седееть керян-чаван.

Тон простясамак, содан теде.

Сэтьме оймесэть арасть кежть.

Ансяк токавтса

Эйзэть кедем

Сеске редяса – сельметь эжсть.

Зяро покоркст чамазот ёртнинь –

Сынь прок ловт ульнесть ойметь псинтень.

Весе пултавсть пизямонь сортнэ.

Чумом ине – нурькалгавсть читнень…