***

Од ие, тон кие, Покш ие?

Тон эйкакшонь вечкевикс он?

Од ие, тон сиев ды виев?

Тон кодамо кандат закон?

Ки чии, Од ие, се пии

Ды веьми, Од ие, тонь кис.

Ки седи ды леди, се педи,

Прок педлей, тонь чачома чис.

Ки лии, ки вии, ки мии,

Од ие, тонь паморьксэнь пес?

Ки зярдо, прок вардо ды сардо,

Тонь седеенть совавты вес?

Пси ие, тон виев, сех виев!

Тон солавтат седеень эйть.

Од ие, вант, каршонок чии

Покш уцяска, эскелькске тейть…