***

Экше. Ушось чоподсь.

Банясь умок  явась.

Парсте тенстесь лоподсь.

…Инжеть учи авась.

Учи кустембесэ

Эйдинензэ ошсто,

Ды сонсь арси: «Тесэ

Кассть сынь весе покшсто;

Сыть ней, таго эжить,

Видемить ды шлявить…

Паз, а савтнян кежеть,

Кевксттян: мейс Тон явить

Веленть эйстэ эйдень?

Кува правтнить-сравтнить?»

…Ковось ванны, пейди,

Кальтне сельведть правтнить.

Банясь умок явась.

Учи сыре авась,

Учи кустембесэ,

Чаво веленть песэ.