Сурвеле

Шумбрат, Сурвеле! Кизэсь сась!
         Чись псистэ эждеме кармась!
         Мон содан, тон нейгак учат
         Эсь ёнов эйкакшт–оймсицят.
         Ламо инжеть, ламо сыцят
         Тон экшелямо свал тердят
         Чавóнь эрькев ды Сура леев.
         Оя, варштака тон икелев:

Кодамо пичень вирь кассы!

Эрьва ломанесь содасы

Кода паро тия  яксемс,

Кода паро тесэ лексемс

Ванькс коштто, кона вийть максы,

Эрьва ломаненть кармавтсы

Арсеме. Паро тевень тееме.

Тесэ оймсемань кудот улить

Ломантне эрьва кизна муить

Шка. Оймсить. Лексить. Арсить.

Ды иень ютазь одов сыть.

Садо тыньгак, минь учотадысь,

Весень паро мельсэ васттадызь,

Васттадызь виресь, эрькесь, леесь,

Кемтяно, вечкеви тенк велесь!