ЭРЗИАНА эрзянский литературный сайт

ПРЯКСЛОПА
Категории раздела
Мои статьи [331]
Стихи [571]
КАВТО ВАЛСО
Статистика
Главная » Статьи » Стихи

Александр Арапов. Течи тень ведьгемень топодсть, ялгат...

                   ***

Течи тень ведьгемень топодсть, ялгат...

Мельс тень тукшны кельме мазый ушось.

Васень ловне сравтовсь моданть ланга,

Невтнеме эсь прянзо телесь ушодсь.

 

Васень ловне вельти монь мастором,

Чевте ловне вельти лембе лемень...

Венстинк тень гитаранть, моро моран,

Моро моран: «Течи тень ведьгемень...»

 

Моро моран: «Течи тень ведьгемень...»

Зяро мон мелявтынь лиянь кисэ!

Те эрямось кенерсь уш манчемень —

Пандынь седей псисэ, шумбрачисэ.

 

Ялатеке кеман, кода кеминь...

Зярс пертьпельксэнть танстезэ эзь ёма.

Ойменть зярс эзизе вельтя чемень,

Ды лиянь тонадынь кунсоломо.

 

Моро моран: «Течи тень ведьгемень...»

Седеентень ризкс истямо совси —

Теке, мерят, ютась шкам монстемень,

Теке, мерят, эзинь эря овсе.




Категория: Стихи | Добавил: tati (19.01.2010)
Просмотров: 547 | Комментарии: 1 | Рейтинг: 5.0/1 |
Всего комментариев: 1
1  
"...Теке, мерят, ютась шкам монстемень,
Теке, мерят, эзинь эря овсе."

Стака, пек стака емавтомс истямо Ломань...

Имя *:
Email *:
Код *:
...ERZINFORM
ОД СЁРМАДКСТ
[31.10.2010][Стихи]
Александр Арапов. К... (0)
[24.01.2010][Мои статьи]
Художники в СССР. Из... (0)
[21.10.2010][Стихи]
Исланкин Юрий Иванов... (0)
[21.10.2010][Стихи]
Исланкин Юрий Иванов... (0)
[21.10.2010][Мои статьи]
Исланкин Юрий Иванов... (0)
ВЕШНЕК
ЛОПАНТЬ ЯЛГАНЗО
  • Официальный блог
  • Сообщество uCoz
  • FAQ по системе
  • Инструкции для uCoz

  • Copyright MyCorp © 2017
    Сделать бесплатный сайт с uCoz