***

Прянть мон сорновтса —

Ильведевкст теинь ламо,

Прянть мон чаравтса —

Невтеде монень ёнкске.

Вальманть панжса —

Тосо чопода, якшамо.

Кенкшенть панжса —

Тосо варма ёвтни ёвкске.

Прянть мон кепедьса —

Келейде келей менель,

Прянть мон комавтса —

Равжодо равжо мода.

Варштан икелев —

Седеесь яла кеми,

Варштан удалов —

А одан уш, а одан...

Стака вайгель, сэпей вайгель

Лиси кургстом,

Коштось лоподсь

Монь нусманя моротнеде.

Кие тосо истя вайкстась,

Истя укстась,

Кие истя кисэнь,

    Ёвтадо, сэреди?